" ياه إنت لسه فاكر ؟! "

مرة زمان كنت فى فرح .. وبعد ما الفرح خلص والعروسه والعريس مشيوا واحدة قريبتنا وقفت تعيط عياط متواصل والناس كلها بتهدى فيها "مالك يا بنتى بتعيطى ليه ؟!" اللى حصل إنها دخلت الحمام والفرح خلص والناس مشيت ونسيوها ! جوزها خد اصحابه بالعربية ومشى .. وإخواتها وأهلها مشيوا ومحدش خد باله إنها مش موجوده.. وقتها أنا كنت مستغربة جدا بتعيط ليه ! ما هو البيت قريب جدا من القاعة وإيه المشكلة أما تتمشاها يعنى ؟! بس حاليا أما بفتكرها بقول لو رجع بيا الزمن مش هستنكر أبدا عياطها وحزنها ومش بعيد أقعد أعيط معاها كمان :')
إحساس إنك " اتنسيت" احساس صعب ومؤذى جدا !..
-الصاحب اللى عزم كل الناس على فرحه وإنت مكنتش من أول الناس اللى افتكرهم فى لحظتها ..القريب اللى اشترى لكل اخواتك هديه وسقطت انت من ذاكرته ..المدرس اللى بيشكر فى كل المتفوقين والشاطرين وبينساك !
- " المنسي" واحساسه بالخذلان والتيه بيخليه عنده مناعة للفكرة ويبقى الغريب إن حد يسأل عنه أو يهتم بيه ..بلاش تنسوا الناس فى غمرة فرحكم او انشغالكم أما ترجعوا وتفتكروهم هيكون الفراغ والتفكير والوحدة فعلوا الأفاعيل بدماغهم وعواطفهم وهتلاقيه تلقائى بيرد عليك " ياه إنت لسه فاكر ؟! " :))))